ცერცვაძე: კორონავირუსის შემთხვევების მატების პიკს შემოდგომისთვის ველოდებით

5 Jul. 2022, 23:12

ბოლო პერიოდში საქართველოში, ისევე როგორც მთელ მსოფლიოში, აღინიშნება Covid ახალი შემთხვევების მნიშვნელოვანი მატება. თუ ადრე დღეში საშუალოდ ფიქსირდებოდა 100-მდე ახალი შემთხვევა, ახლა უკვე ფიქსირდება 600-700. განსაკუთრებით ხშირია ახალი შემთხვევები იმ პირებში, რომლებმაც იმოგზაურეს უცხოეთში. წინ ზაფხულია, აქტიური ტურისტული სეზონი და შემთხვევების მატების პიკს ველოდებით შემოდგომისთვის. ამიტომ თუ გვინდა, რომ შევინარჩუნოთ დღევანდელი კარგი ეპიდსიტუაცია, უნდა ვიყოთ ფხიზლად, გავაგრძელოთ აქტიური ვაქცინაცია ბუსტერ დოზების ჩათვლით და მიუხედავად იმისა, რომ რეგულაციები აღარ გვავალდებულებს, ვიხმაროთ პირბადე საზოგადოებრივ ტრანსპორტში, სამედიცინო დაწესებულებებში და ხალმხრავალი შეკრების ადგილებში.

მაშინაც კი, თუ შემთხვევების ზრდას თავიდან ვერ ავიცილებთ, განსაკუთრებით, სასიცოცხლოდ მნიშვნელოვანია შევინარჩუნოთ სიკვდილობა დღევანდელ მინიმალურ ნიშნულზე. ამისთვის კი აუცილებელია შემდეგი: ომიკრონის შტამით გამოწვეული სიმპტომები პირველ დღეებში პრაქტიკულად არ განსხვავდება სხვა რესპირაციული ინფექციების სიმპტომებისგან, ამიტომ აუცილებელია პირველივე სიმპტომების გაჩენისთანავე ჩავიტაროთ ტესტირება (უფასოა) და დადასტურების შემთხვევაში ზედმიწევნით შევასრულოთ ექიმის რეკომენდაციები. ყველამ გაითვალისწინოს, რომ დროული მიმართვის შემთხვევაში პრაქტიკულად გარანტირებულია, რომ არ მოხდება პაციენტის დამძიმება და მითუმეტეს არ დადგება ლეტალური შედეგი. ყველამ აუცილებლად უნდა ვისწავლოთ კოვიდის პირობებში უსაფრთხოდ ცხოვრება და საქმიანობა.

ბოლო ამბები:

თენგიზ ცერცვაძე ცერცვაძე: კორონავირუსის შემთხვევების მატების პიკს შემოდგომისთვის ველოდებით

კომენტარები

კვირის ტოპ-5

გირჩევთ

ახლა კითხულობენ

გამოქვაბულებში ჩხრიალა გველის ულამაზესი სახეობა აღმოაჩინეს