შემთხვევა მაშინ მოხდა, როცა აქციის მონაწილეთა ნაწილი ქართული ოცნების ოფისთან მივიდა.

რატომ არის მნიშვნელოვანი: იმიტომ, რომ მმართველი გუნდის დეპუტატია, რომელსაც პასუხისმგებლობები აკისრია და კომუნიკაციის მსგავსი ფორმა მიუღებელია.

  • ეს პირველი შემთხვევა არ არის, როდესაც სამხარაძე აგრესიული რიტორიკით და შეურაცხმყოფელი ლექსიკით მოიხსენიებს აქციის მონაწილეებს, აქტივისტებს ან ოპოზიციას.
  • ფეისბუქგერდზე ის ხშირად დასცინის და დამაკნინებელი ფორმებით წერს სამოქალაქო საზოგადოებაზე.
  • ასევე, ეს პირველი შემთხვევა არ არის, როდესაც მმართველი გუნდის დეპუტატები აგრესიას იჩენენ მათ მიმართ, ვისაც განსხვავებული აზრი აქვს.

დეტალები: სამხარაძე ოფისიდან გამოვიდა და რამდენჯერმე შეიგინა. ამ დროს ოცნების ოფისი პოლიციის და სპეცდანიშნულების რაზმებით იყო გარშემორტყმული.

  • გინების შემდეგ სამხარაძე რამდენიმე პირმა უკან შეაბრუნა.
  • მანამდე სამხარაძემ ფეისბუქზე დაპოსტა: "10 კაცი ვართ ოფისში! გელოდებით დორბლიან მონებს".
  • მოგვიანებით კი თავადვე გაავრცელა ვიდეო, სადაც ჩანდა, რომ აქციის მონაწილეებს აივნიდან აგინა.