რუს ბლოგერს, რომელმაც მართლმადიდებლურ ეკლესიაში Pokemon Go ითამაშა და ვიდეო YouTube-ზე გამოაქვეყნა, სასამართლომ რელიგიური გრძნობების შეურაცხყოფისთვის დამნაშავედ სცნო და 3,5 წლით პირობითი სასჯელი მიუსაჯა. ინფორმაციას BBC ავრცელებს.

22 წლის ბლოგერი, რუსლან სოკოლოვსკი 2016 წლის აგვისტოში დააპატიმრეს, ის თავს დამანაშავედ არ სცნობდა.

პროკურატურა მისთვის ხუთწლიან პატიმრობას ითხოვდა. განაჩენის გამოცხადების შემდეგ, სოკოლოვსკიმ განაცხადა, რომ მისთვის პირობითი სასჯელის გამოცხადება ჟურნალისტების დამსახურებაა.

ვიდეოში, რომელიც სოკოლოვსკიმ 2016 წლის 11 აგვისტოს გამოაქვეყნა, ბლოგერი ამბობს, რომ ეკლესიაში Pokemon Go-ს თამაშისა და შესაბამისად, პოკემონების დაჭერისთვის, რუსეთში სისხლის სამართლის პასუხისმგებლობა დააწესეს და სწორედ ამიტომ, მან გადაწყვიტა ექსპერიმენტი ჩაეტარებინა. სოკოლოვსკი ეკატერინბურგის ყველა წმინდანის ეკლესიაში შევიდა და იქ პოკემონი დაიჭირა.