კომუნიკაციების კომისია ავრცელებს ინფორმაციას, რომ ილონ მასკის კომპანია SpaceX საქართველოს ბაზარზე თავისი პროდუქციის გაშვებაზე მუშაობს. კერძოდ, ჩვენი ქვეყნისათვის Starlink-ის თანამგზავრული სისტემებით ინტერნეტის მიწოდებაზეა საუბარი.

კომუნიკაციების კომისია და SpaceX-ის წარმომადგენელი ახლახან შეხვდნენ ერთმანეთს:

როგორც კომისიის წევრი ეკატერინე იმედაძე აცხადებს, "SpaceX ამ ეტაპზე მუშაობს საქართველოს ბაზარზე მისთვის საინტერესო ნიშების შესწავლაზე და ემზადება საქართველოში Starlink-ის ოპერაციების კომერციული გაშვებისთვის".

აღსანიშნავია, რომ შესაძლოა, საქართველოსათვის Starlink-ის პროდუქტები განსაკუთრებით გამოსადეგი აღმოჩნდეს, ვინაიდან ეს მაღალმთიან რეგიონებში ინტერნეტის მიწოდების პრობლემას გადაჭრის და მოსახლეობას მაღალსიჩქარიანი ინტერნეტით უზრუნველყოფს.

თუ სტატიაში განხილული თემა და ტექნოლოგიების სფერო შენთვის საინტერესოა, შემოგვიერთდი ჯგუფში, სადაც ვლაპარაკობთ ტექნოლოგიებზე.