მას შემდეგ, რაც ხელისუფლებისადმი კრიტიკულად განწყობილი მთავარი არხის დამფუძნებელს, ნიკა გვარამიას პატიმრობა მიუსაჯეს, მისი შეწყალების მოთხოვნით სალომე ზურაბიშვილს არაერთმა ორგანიზაციამ მიმართა. დღეს პრეზიდენტს ამ ნაბიჯის გადადგმისკენ მედიის ადვოკატირების კოალიციამაც მოუწოდა.

რატომ არის მნიშვნელოვანი: ადგილობრივი ავტორიტეტული არასამთავრობო ორგანიზაციების განცხადებით, ნიკა გვარამიას მიმართ გამოტანილი განაჩენი უკანონო და პოლიტიკურად მოტივირებულია და კრიტიკულ მედიაზე ზეწოლის კიდევ ერთი პრეცედენტია.

  • სახალხო დამცველიც აცხადებს, რომ განაჩენი კანონთან შეუსაბამოა და ემსახურება კრიტიკულ მედიასაშუალებებზე ისეთ ზეწოლას, როგორიც დემოკრატიულ სახელმწიფოში არ ხდება;
  • კრიტიკული არიან საერთაშორისო ორგანიზაციები და პარტნიორებიც.

დეტალები: კოალიციის შეფასებით, გვარამიას დაპატიმრებით რეალური საფრთხე შეექმნა ჩვენი ქვეყნის ევროპულ მომავალს.

  • "გთხოვთ, გაითვალისწინოთ, რომ ნიკა გვარამიას მიმართ გამამტყუნებელი განაჩენი დანაშაულის შემადგენლობის და სასჯელის ზომის განსაზღვრის თვალსაზრისით მნიშვნელოვან დარღვევებს შეიცავს".
  • "თქვენი უფლებამოსილების გამოყენებით დაამტკიცეთ ევროკავშირის წევრობის რეალური სურვილი და მზაობა ქვეყანამ გადალახოს არსებული დაბრკოლებები".

რეზოლუციაში, რომელსაც მმართველი გუნდის მიერ არაერთხელ გაკრიტიკებული ევროპარლამენტარების ტყუილში დადანაშაულება მოჰყვა ევროპარლამენტმა გვარამიას მიმართ გამოტანილ განაჩენი დაგმო.

თუმცა სალომე ზურაბიშვილმა არაერთხელ განაცხადა, რომ შეწყალებაზე გადაწყვეტილების მიღებას არ აპირებს. ამას ამბობდა მიხეილ სააკაშვილის შესახებ და იგივე გაიმეორა, როცა გვარამიას შეწყალებისკენ

  • "არა და არასოდეს! არავის არ ვიწყალებ! მორჩით სპეკულაციებს!", — დაწერა პრეზიდენტმა 10 ივნისს ბრიუსელიდან.