ბულგარეთის საფეხბურთო კავშირის განცხადებით, ავტობუსი, რომელშიც ფეხბურთელები იყბნენ, ავარიაში მოყვა. შემთხვევა თბილისში მოხდა. მათი ინფორმაციით, შედეგად ერთი ფეხბურთელი, ტოდორ ნედელევი დაშავდა.

"სასტუმროსკენ მიმავალ გზაზე, ჩვენი ორი ავტობუსიდან ერთ-ერთის მძღოლმა დაკარგა კონტროლი, რის შედეგადაც მძიმე ავარია მოხდა. შეჯახების შედეგად ტოდორ ნედელევი ადგილობრივ საავადმყოფოში გადაიყვანეს, სადაც მას ამჟამად ფართო გამოკვლევა უტარდება. გუნდის ყველა სხვა წევრი და ბულგარეთის ნაკრების შემადგენლობა კარგად არის", — აცხადებს ბულგარეთის საფეხბურთო კავშირი.

On.ge დეტალების გასარკვევად შინაგან საქმეთა სამინისტროს დაუკავშირდა და მათ პასუხს მიღებისთანავე შემოგთავაზებთ.