როცა საქმე ცნობილი ადამიანების სექსუალურ ორიენტაციასა და პირად ცხოვრებას ეხება, ზოგი მათგანი არჩევს, რომ ეს თემები საჯარო განხილვის საგანი არ იყოს. თუმცა არიან ისეთებიც, რომლებიც მსგავსი თემების შესახებ ღიად ლაპარაკს სულაც არ ერიდებიან და საზოგადოებაში არსებული დამაზიანებელი წარმოდგენების შეცვლას ცდილობენ.

LGBTQ ადამიანების პრობლემებსა თუ ყოველდღიურობის განხილვისას ხშირად ბისექსუალები ყველაზე უხილავები არიან და მათი რეპრეზენტაციაც ნაკლებია, რადგან ჯერ კიდევ ბევრს ჰგონია, რომ მხოლოდ ერთი — შენივე მსგავსი ან საწინააღმდეგო გენდერის მქონე ადამიანები შეიძლება გიზიდავდეს, რის გამოც ბისექსუალობის მიმართ დღემდე მრავალი სტიგმა და სტერეოტიპული წარმოდგენა არსებობს.

ამის მიუხედავად, არაერთმა ვარსკვლავმა წარსულში, სხვადასხვა დროს ღიად განაცხადა, რომ ბისექსუალია და ამ სტატიაშიც სწორედ რამდენიმე ასეთი შემთხვევაა მოყვანილი, რომელთა შესახებაც, შეიძლება აქამდე არც კი იცოდი.

1. Cardi B

მომღერალმა საკუთარი სექსუალური ორიენტაციის შესახებ ტვიტერზე პოსტი გამოაქვეყნა და ყველას მოუწოდა, რომ პარტნიორთან ურთიერთობის დროს ეს ფაქტი არ დამალონ.

2. კრისტენ სტიუარტი

2017 წლის ინტერვიუში კრისტენმა აღნიშნა, რომ ბისექსუალია და ეს დამაბნეველი მდგომარეობა საერთოდაც არ არის, როგორც ბევრი ადამიანი ფიქრობს.

3. ტენდი ნიუტონი

ნიუტონის თქმით, ყველა ადამიანი პოტენციურად ბისექსუალია და ეს ყველაფერი აღზრდასა და გარემოზეა დამოკიდებული. "ადვილად შემიძლია შევიყვარო, როგორც ქალი, ასევე კაცი", — ამბობს მსახიობი.

4. ჯეისონ მრაზი

მომღერლის თქმით, კაცებთან იმ დროსაც ჰქონდა ურთიერთობა, როცა მომავალ ცოლთან მეგობრობდა. მისივე თქმით, ცოლს ამასთან არანაირი პრობლემა არ აქვს და თავადაც ბედნიერია, რომ ქალიც შეუძლია უყვარდეს და კაციც.

5. შენონ პურსერი

Stranger Things-ის მსახიობი საკუთარ სექსუალურ ორიენტაციაზე ღიად 2017 წელს ალაპარაკდა და ტვიტერზე დაწერა, რომ ის ბისექსუალია.

6. ლედი გაგა

გაგამ 2013 წელს მისი სექსუალური ორიენტაციის შესახებ საზოგადოებაში არსებულ კითხვებს უპასუხა და თქვა, რომ ის ბისექსუალია და ეს ინფორმაცია სიმართლეა. "ეს არ არის ტყუილი, მე ასეთი ვარ და ყოველთვის ვიყავი", — განაცხადა მომღერალმა.

7. მეგან ფოქსი

"ვფიქრობ, რომ ადამიანები ბისექსუალებად იბადებიან და არჩევანს ხშირად საზოგადოების ზეწოლის საფუძველზე აკეთებენ. ჩემს ბისექსუალობაში ეჭვი არასდროს შემპარვია", — განაცხადა მსახიობმა.

8. ბიორკი

"ვფიქრობ, რომ ყველა ადამიანი რაღაც ხარისხით ბისექსუალია და ეს არჩევანზეა დამოკიდებული. კაცსა და ქალს შორის არჩევანის გაკეთება იგივეა, რაც ტორტსა და ნაყინს შორის არჩევანის გაკეთება", — ამბობს ბიორკი Diva-სთან ინტერვიუში.

9. ევან რეიჩელ ვუდი

Westword-ის ვარსკვლავი ერთ-ერთია იმ ადამიანთაგან, რომელიც საკუთარი სექსუალური ორიენტაციის შესახებ წლების განმავლობაში ღიად საუბრობდა.

10. და ბოლოს, ბილი ჯო არმსტრონგი

"ვფიქრობ, რომ ყოველთვის ბისექსუალი ვიყავი და ამ იდეისგან ჩვენი მშობლები და საზოგადოება გვაშორებს. ისინი ამბობენ, რომ ეს ტაბუა. მე კი ვფიქრობ, რომ ეს საერთოდაც არ არის ცუდი, პირიქით, ეს მშვენიერი რამეა", — ამბობს მომღერალი.