პარლამენტმა ზაალ უდუმაშვილისათვის პარლამენტის წევრის უფლებამოსილების ვადამდე შეწყვეტის საკითხს მხარი დაუჭირა.

დადგენილებას 81 მომხრე ჰყავდა, წინააღმდეგი კი არავინ იყო.

ზაალ უდუმაშვილი მედიაში ბრუნდება. ამის შესახებ მან 29 მაისს ნაციონალურ მოძრაობაში გამართულ ბრიფინგზე ისაუბრა და აღნიშნა, რომ ბრძოლის ხაზზე რჩება, თუმცა დისლოკაციის ადგილს იცვლის.

უდუმაშვილის თქმით, ამ ეტაპზე ვერ დააკონკრეტებს, რომელ მედიაში იქნება, რადგან "გარკვეულ წესებს იცავს", თუმცა აღნიშნა, რომ ყველაფერი მალე გახდება ცნობილი.