ერთიანი ნაციონალური მოძრაობის წევრის, ეკა ხერხეულის განცხადებით, აჭარის მთავრობის თავმჯდომარეს თორნიკე რიჟვაძეს ნორმალური ხელისუფლება გაუშვებდა. მისი თქმით, ქართული ოცნების წევრები მართლები არ არიან, როდესაც ხეშ მიდგომაზე, უხეშ დამოკიდებულებაზე, უხეშად გამოხატულ ვერბალურ პოზიციებზე საუბრობენ, მაშინ, როდესაც მათი გუნდის წევრი, კოლეგებს შეურაცხმყოფელად მოიხსენიებს. ხერხეულიძემ რიჟვაძეს ღარიბაშვილის კარიკატურაც უწოდა.

"გუშინ თქვენი წარმომადგენელი ანუ თქვენგან ხელდასმული, აჭარის მთავრობის ხელმძღვანელის ტექსტი გაქვთ ალბათ მოსმენილი, ხომ? ყველა ღირსეული ხელისუფლება ამ ადამიანს გაუშვებდა, ნამდვილად გაუშვებდა სამსახურიდან. ის არ გახლავთ ადამიანი, რომლის გაშვებასაც რაღაც პროცედურები სჭირდება. ეს არის პოლიტიკური გადაწყვეტილება, რომელიც უნდა შეგესრულებინათ, მაგრამ ამჯობინეთ ამ ენაზე ესაუბრებოდეს თავის კოლეგებს. უბრალოდ ვერ გავიმეორებ იმ სიტყვებს, მაგრამ ყველამ იცით და არ მგონია, რომ სიამოვნებას გგვრიდეთ, როდესაც ღარიბაშვილის კარიკატურა, ცუდი გაგებით არ ვამბობ. ის ყველანაირად ცდილობს, დაემსგავსოს ღარიბაშვილს, ყველა მანერით. იმდენად სასაცილო იყო. მე არ ვიცი, ის სამსახურში როგორ უნდა მივიდეს", — თქვა ხერხეულიძემ პარლამენტში.

"დავაი დაახვიეთ", — ასე მიმართა გუშინ, 7 ივნისს თორნიკე რიჟვაძემ უმაღლესი საბჭოს დეპუტატებს. სხდომაზე აჭარის მთავრობის თავმჯდომარემ ისინი შეურაცხმყოფელი ტერმინებით მოიხსენია და მათ რამდენჯერმე უწოდა "ჭორიკნები".