ფინანსთა სამინისტროს შემოსავლების სამსახურის თანამშრომლებმა 1-7 მაისს საგადასახადო კონტროლის დროს სამართალდარღვევის 970 შემთხვევა აღმოაჩინეს. ამის შესახებ ინფორმაცია უწყების ვებგვერდზეა განთავსებული.

უწყების ინფორმაციით, მონიტორინგის დროს 8 503 გადამხდელი შემოწმდა. შემოწმების შედეგად კი საქონლის სასაქონლო ზედნადების გარეშე ტრანსპორტირების 104 ფაქტი; ეკონომიკური საქმიანობის გადასახადის გადამხდელად საქართველოს კანონმდებლობით დადგენილი წესის დარღვევით განხორციელების 95 შემთხვევა და მომხმარებელთან ნაღდი ფულით ანგარიშსწორებისას საკონტროლო-სალარო აპარატის გამოუყენებლობის 771 ფაქტი გამოავლინეს.