უკრაინის ეროვნული პოლიციის სტრატეგიული გამოძიების დეპარტამენტის განცხადებით, ქართველი კრიმინალური ავტორიტეტი ქვეყნიდან გააძევეს. ეროვნული უშიშროებისა და თავდაცვის საბჭოს სანქცირებულთა სიაში ის შევიდა, როგორც პირი, რომლის ქმედებამ შესაძლოა საფრთხე შეუქმნას სახელმწიფოსა და მოქალაქეთა ეროვნულ უსაფრთხოებას.

უწყების ინფორმაციით, კაცი 44 წლისაა, არაერთხელაა ნასამართლევი და უკრაინაში გავლენიანი რუსი და ქართველი "კანონიერი ქურდების" ინტერესებს წარმოადგენდა. ის ქვეყნიდან ძალით გააძევეს და უკრაინაში შესვლა სამი წლით აეკრძალა.