თურქეთის პრეზიდენტის, რეჯეფ თაიფ ერდოღანის განცხადებით, ფინეთმა და შვედეთმა "თავი არ უნდა დაიღალონ" თურქეთის დარწმუნებით, რომ ქვეყანამ მათ NATO-ში გაწევრიანებას მხარი დაუჭიროს. ერდოღანის კომენტარს Reuters ავრცელებს.

"არცერთ ამ ქვეყანას არ აქვს მკაფიო, ღია დამოკიდებულება ტერორისტული ორგანიზაციების მიმართ. როგორ ვენდოთ მათ? [...] ისინი ორშაბათს თურქეთში ჩამოდიან. ჩვენს დასარწმუნებლად მოდიან? უკაცრავად, მაგრამ თავი არ უნდა დაიღალონ", — განაცხადა მან.

13 მაისს ერდოღანმა განაცხადა, რომ თურქეთის არ აქვს პოზიტიური შეხედულებები ფინეთისა და შვედეთის NATO-ში გაწევრიანებასთან დაკავშირებით. საერთაშორისო მედიების ცნობით, ერდოღანმა ისაუბრა, რომ სკანდინავიური ქვეყნები "ბევრი ტერორისტული ორგანიზაციის სახლია".