მას შემდგა რაც ჩრდილოეთ კორეამ ქვეყანაში COVID-19-ის გავრცელება პირველად დაადასტურა, დღეს, 13 მაისს გარდაცვალების შემთხვევების შესახებაც გაავრცელა ინფორმაცია. როგორც BBC ჩრდილოეთ კორეის სახელმწიფო მედიაზე დაყრდნობით წერს ექვსი ადამიანია გარდაიცვალი კორონავირუსის ომიკრონის შტამით.

სახელმწიფო მედიის ცნობით, 187 000 ადამიანი "იზოლირებულია და მკურნალობს". უკვე აღირიცხა 350 000-ზე მეტი პაციენტი მაღალი ტემპერატურით.

კორონავირუსის შემთხვევა ოფიციალურად მხოლოდ გუშინ, 12 მაისს დაადასტურეს. ჩრდილოეთ კორეის ლიდერ კიმ ჩენ ინის ბრძანებით, ქვეყანაში ე.წ. ლოკდაუნია გამოცხადებული.

NY Times წერდა, რომ თუ პანდემიის მართვა სწრაფად არ გაკონტროლდა, შეიძლება კიდევ უფრო მძიმე მდგომარეობაში აღმოჩნდეს ქვეყნის ეკონომიკა, რომელიც უკვე მძიმედ დაზარალდა გაერთიანებული ერების ორგანიზაციის სანქციებით. ჩრდილოეთ კორეაში 2020 წლიდან მკაცრი კარანტინი გამოაცხადეს, საზღვრების ჩაკეტვის გამკაცრების ჩათვლით.