სამხრეთ კაროლინას შტატში მცხოვრები 60 წლის ჯოზეფ მაკკინონი სამართალდამცავებმა საკუთარ ეზოში გარდაცვლილი იპოვეს. მის გვერდით, ახალამოთხრილ ორმოში პოლიციას 65 წლის გარდაცვლილი ქალიც დახვდათ.

გამოძიებით დადგინდა, რომ 65 წლის პატრიცია დენტის სიკვდილის მიზეზი დახრჩობა გახდა. გამომძიებლები აცხადებენ, რომ სავარაუდოდ კაცი პატრიციას თავს საკუთარ სახლში დაესხა. მას შემდეგ, რაც ქალი დაახრჩო, ნაგვის პარკში გაახვია და წინასწარ ამოთხრილ ორმოში მისთვის მიწის დაყრა დაიწყო.

მიწის დაყრის პროცესში მაკკინონს გულის შეტევა მოუვიდა და ადგილზევე გარდაიცვალა.