ჩრდილოეთ კორეაში COVID-19-ის გავრცელება პირველად დაადასტურეს. ქვეყანაში ლოკდაუნი გამოაცხადეს — ომიკრონის შტამი ფხენიანში დაფიქსირდა.

როგორც Reuters წერს, ჩრდილოეთ კორეაში 2022 წლის მარტამდე კორონავირუსით ინფიცირების შემთხვევები არ აღრიცხულა. ჯანდაცვის მსოფლიო ორგანიზაციის ცნობით, სავარაუდოდ, ქვეყნის არც ერთი მოქალაქე ვაქცინირებული არაა, რადგან ფხენიანმა ვაქცინების მიღებაზე უარი თქვა.

NY Times წერს, რომ თუ პანდემიის მართვა სწრაფად არ გაკონტროლდება, შეიძლება კიდევ უფრო მძიმე მდგომარეობაში აღმოჩნდეს ქვეყნის ეკონომიკა, რომელიც უკვე მძიმედ დაზარალდა გაერთიანებული ერების ორგანიზაციის სანქციებით. ჩრდილოეთ კორეაში 2020 წლიდან მკაცრი კარანტინი გამოაცხადეს, საზღვრების ჩაკეტვის გამკაცრების ჩათვლით.