ამერიკული გამოცემა The Washington Post კიევში ოფისს ხსნის. მედიის განცხადებით, ეს ნაბიჯი მიუთითებს The Post-ის გრძელვადიან ვალდებულებაზე, გააშუქოს რუსეთის ომი უკრაინაში.

"ბევრი თვის განმავლობაში, The Post-მა მნიშვნელოვანი რესურსი გამოყო უკრაინის საზღვრთან მზარდი დაძაბულობის გასაშუქებლად და, საბოლოოდ, რუსეთის შემოჭრისთვის. რადგან ომი გადადის ხანგრძლივ ფაზაში, ეს ბიურო საშუალებას მოგვცემს შევინარჩუნოთ ინტენსიური გაშუქება ადგილზე", — განაცხადა საერთაშორისო რედაქტორმა, დუგლას იელმა.

მედიის ცნობით, უკრაინული ბიუროს უფროსი იზაბელ ხურშუდიანი იქნება, ხოლო მაქს ბეარაკი მთავარი კორესპონდენტის პოსტს დაიკავებს. ხურშუდიანი, მოსკოვის ბიუროს ყოფილი კორესპონდენტია, იანვრიდან კი უკრაინაში მუშაობს.