დღეს, 5 აპრილს, მოსამართლეთა შესარჩევი კონკურსის გასაუბრების დასრულების შემდეგ, იუსტიციის საბჭოს მდივანმა, ლევან მურუსიძემ ჟურნალისტებთან მის უვადოდ დანიშვნაზე ისაუბრა და არასამთავრობო სექტორი გააკრიტიკა. მურუსიძის თქმით, თუ კანონი გადაწყვეტს რომ უვადოდ უნდა გადაინიშნონ მოსამართლეები, ეს უნდა შეეხოს ყველა იმ ადამიანს, ვისაც კანონი მიუდგება:

"როცა ვენეციის კომისია, პარლამენტი და ყველა საუბრობს რომ მოსამართლეები უნდა გადაინიშნონ უვადოდ, ეს არის საკითხი. ტერმინი "ახალგაზრდა იურისტები" არის შესანიშნავი და ძალიან კარგი, მაგრამ, ჩემი თხოვდა და მოწოდება იქნებოდა, რომ ყურადღება გაამახვილონ არა სათაურის პირველ სიტყვაზე, "ახალგაზრდაზე", იურისტობასაც ცოტა მიხედონ".

არასამთავრობოები იუსტიციის უმაღლეს საბჭოს მოუწოდებენ, არ მიიღოს სამწლიანი გამოსაცდელი ვადით დანიშნული უზენაესი სასამართლოს ყოფილი მოსამართლეების უვადოდ გადანიშვნის გადაწყვეტილება. ორგანიზაციების აზრით, ლევან მურუსიძისა და მაია სულხანიშვილის უვადო დანიშვნაზე გადაწყვეტილება, იუსტიციის უმაღლესმა საბჭომ პარლამენტის მიერ ახალი რეგულაციების მიღებამდე არ უნდა მიიღოს.