პრემიერმინისტრის, ირაკლი ღარიბაშვილის განცხადებით, პირბადის ტარება სავალდებულო მხოლოდ საზოგადოებრივ ტრანსპორტსა და სამედიცინო დაწესებულებებში იქნება.

"ჩვენ გვქონდა მსჯელობა. ბატონი ზურა აზარაშვილი შეხვდა ჯანდაცვის ექსპერტებს, წარმომადგენლებს და მიღებულ იქნა გადაწვეტილება, რომ დღეიდან პირბადეების სავალდებულო გამოყენება იქნება მხოლოდ დატოვებული სამედიცინო დაწესებულებებში და საზოგადოებრივ ტრანსპორტში. დღეიდან, 2 მაისიდან სხვა დანარჩენი რეგულაციები მოიხსნება.

მოგეხსენებათ, რომ ჩვენ გვაქვს ძალიან სტაბილური სურათი. კოვიდის სიტუაცია, შეიძლება ითქვას, რომ დასტაბილურდა. დღეს, აგალითად, 51 შემთხვევა გვქონდა მხოლოდ და ძალიან მშვიდი ვითარებაა ამ მიმართულებით. ეს გვაძლევს საშუალებას კიდევ უფრო შევამსუბუქოთ რეგულაციები", — აცხადებს ღარიბაშვილი.

პრემიერმინისტრმა 22 მარტს განაცხადა, რომ 28 მარტიდან პირბადეების ღია სივრცეში ტარების ვალდებულება იხსება, თუმცა საზოგადოებრივ ტრანსპორტსა და დახურულ სივრცეებში ტარების ვალდებულება ჯერ კიდევ მოქმედებდა.