მოლდოვის პრეზიდენტის, მაია სანდუს განცხადებით, მოლდოვას საბრძოლო მზადყოფნაში მყოფი არმია რეალურად არ ჰყავს. მისი თქმით, ეს სიტუაცია უნდა შეიცვალოს და მოლდოვამ პროფესიონალური თანამედროვე არმია უნდა შექმნას.

"30 წლის განმავლობაში მოლდოვა აღჭურვილობის გარეშეა, სამხედრო აღჭურვილობისა და საბრძოლო მზადყოფნის საშუალებების გარეშე. ახლა ჩვენ გვესმის შედეგები", — თქვა მან.

მისივე თქმით, მოლდოვას საფრთხის წინააღმდეგ "ეფექტური დამცავი არ აქვს", რადგან ქვეყანას შესაბამისი სამხედრო პოტენციალი არ განუვითარებია და არ შეუქმნია კრიტიკული ინფრასტრუქტურის ელემენტები.

სანდუს განცხადებით, კარგად გაწვრთნილი არმია ქვეყანას სძენს თავდაჯერებულობას და სტრატეგიული არჩევანის თავისუფლებას. მან ამას ქვეყნის უსაფრთხოებასა და თავდაცვაში ინვესტიცია უწოდა, რისი მნიშვნელობაც ომის მიმდინარეობის დროს კარგად გააცნობიერეს.