დიდი ბრიტანეთის დაზვერვის ინფორმაციით, უკრაინა ინარჩუნებს კონტროლს თავისი საჰაერო სივრცის უმეტეს ნაწილზე. მათი თქმით, რუსეთმა ვერ შეძლო უკრაინის საჰაერო ძალებისა და თავდაცვის განადგურება. ხოლო, უკრაინა აგრძელებს რუსეთის საჰაერო ძალების რისკის ქვეშ მოქცევას.

დაზვერვის განცხადებით, რუსეთის საჰაერო აქტივობა ძირითადად ორიენტირებულია სამხრეთ და აღმოსავლეთ უკრაინაზე, ხოლო დასავლეთით და ჩრდილოეთით საჰაერო წვდომა შეზღუდული აქვს.

უწყების განცხადებაში ვკითხულობთ, რომ მარიუპოლში რუსული საჰაერო თავდასხმების უმეტესობა, სავარაუდოდ, უმართავი თავისუფალი ვარდნის ბომბების გამოყენებით იყო. მათი თქმით, ეს იარაღი ამცირებს დარტყმების ლოკაციის გარჩევის უნარს და შესაბამისად, ზრდის მშვიდობიანი მოსახლეობის მსხვერპლის რისკს.