28 აპრილიდან სოციალური საწარმო კაფე მზიური, რე|ბანკის პარტნიორობით, ღია კინოჩვენებებს იწყებს. კინოჩვენებები მზიურში 2016 წლიდან იმართება. წლევანდელი პროექტი განახლებული ფორმატით ბრუნდება, მისი მიზანი კი ქართული საავტორო ფილმების პოპულარიზაცია და ფართო მასებისთვის ჩვენებაა.

კინოჩვენება თვეში 4-ჯერ ყოველ ხუთშაბათს, 21:00 საათზე გაიმართება. პროექტის ფარგლებში ნაჩვენები იქნება როგორც თანამედროვე ქართული ფილმები, ასევე კინო კლასიკის ნიმუშები და სპეციალურად მოზარდებისთვის შერჩეული ფილმები. თვეში ერთხელ იგეგმება თავისუფალი ჩვენებაც, რომლისთვისაც ფილმის შერჩევა ნებისმიერ მსურველს შეუძლია.

პრიექტის ფარგლებში პერიოდულად მოეწყობა შეხვედრები ქართველ რეჟისორებთან და კინოს სფეროს წარმომადგენლებთან, რაც მაყურებელს საშუალებას მისცემს, მეტი გაიგოს ბოლო დროის კინო-ნამუშევრების შესახებ. კინოჩვენებების შემდეგ ყველა მაყურებელს ექნება საშუალება, ჩაერთოს დისკუსიაში არამხოლოდ ნაჩვენები ფილმის, არამედ მასთან დაკავშირებული აქტუალური თემების შესახებ.

რე|ბანკთან ერთად, პროექტის პარტნიორები არიან ჟურნალი ინდიგო და საქართველოს კინემატოგრაფიის ეროვნული ცენტრი. პროექტის კურატორი კინოკრიტიკოსი და კულტურის მკვლევარი ნინო ჩიმაკაძეა. ნინო ამ დროისთვის ინგლისურენოვანი საერთაშორისო გამოცემის Atinati-ის კინოჟურნალისტია, გასულ წელს კი ბათუმის კინოფესტივალის კინოკრიტიკოსთა ჟიურის წევრი იყო.

კინოჩვენებებზე დასწრება უფასოა, სივრცე კი ადაპტირებულია ეტლით მოსარგებლე პირებისთვის.

"ძალიან გვიხარია, რომ მოგვეცა საშუალება, ისეთი ურბანული პროექტის პარტნიორი ვიყოთ, რომელიც ჩვენს გარემოს და ყოველდღიურ ცხოვრებას კიდევ უფრო საინტერესოს გახდის. ვიმედოვნებთ, რომ კინო მზიურში ბევრი საინტერესო დისკუსიის დასაწყისი იქნება", — განაცხადა ანანო ქორქიამ, რე|ბანკის საზოგადოებასთან ურთიერთობისა და მარკეტინგის დეპარტამენტის უფროსმა.

რა არის ტოპ|ქარდი?

ტოპ|ქარდი შოპინგ ბარათია რე|ბანკისგან, რომლითაც მყიდველი ბანკის პარტნიორ ობიექტებში გადახდილ თანხას რამდენიმე თვეზე ყოველგვარი ნამატის გარეშე, ეფექტურ 0%-ად ანაწილებს. ბარათის მოთხოვნა შესაძლებელია ონლაინ: https://rbnk.ge/3ExqCBg

ტოპ|ქარდის ლიმიტი 250-დან 10 000 ლარამდეა. ბარათზე ერთხელ მტკიცდება მოთხოვნილი ლიმიტი და მისი გამოყენება შეუზღუდავად არის შესაძლებელი. თითოეული შენატანის გადახდის შემდეგ, შევსებული ლიმიტის გამოყენება თავიდან შეიძლება.

რე|ბანკს უკვე 2 000-ზე მეტი პარტნიორი ობიექტი ჰყავს სხვადასხვა სფეროში. მათთან ტოპ|ქარდით შოპინგისას გასათვალისწინებელია, თუ რამდენ თვეზეა შესაძლებელი თანხის გადანაწილება. ამის გაგება შესაძლებელია რე|ბანკის ვებგვერდზე და კონტაქტ ცენტრში: rebank.ge | +995 32 222 25 25 | *2525