NATO-ს გენერალური მდივნის თანაშემწის მოადგილე, ჯეიმს აპატურაი აცხადებს, რომ მათ სურთ, საქართველოში დაინახონ ნაკლებად პოლარიზებული პოლიტიკური გარემო, ასევე, ხელისუფლებამ და ოპოზიციამ ერთად იმუშავონ.

"როდესაც ვსაუბრობთ იმაზე, თუ რა უნდა გააკეთოს საქართველომ, ვიტყვი ამას, რომ NATO-სთვის ნათელია საქართველოს მოსახლეობის უმეტესობა NATO-ში გაწევრიანებას უჭერს მხარს, რომ ეს ზეპარტიული, კონსტიტუციური გადაწყვეტილებაა.

NATO-ს სურს, ასევე, დაინახოს ნაკლებად პოლარიზებული პოლიტიკური გარემო საქართველოში და დაინახოს, რომ ხელისუფლება და ოპოზიცია ერთად მუშაობენ", — თქვა მან.

ჯეიმს აპატურაი პარლამენტში თავდაცვისა და უშიშროების კომიტეტის სხდომას დაესწრო. სხდომა დახურულ რეჟიმში გაიმართა.