NASA-ს ჰაბლის კოსმოსურმა ტელესკოპმა მნიშვნელოვანი კომეტა შეისწავლა: ეს 130 კილომეტრის სიგრძის ობიექტია და ის ყველაზე დიდი კომეტაა, რომელიც ოდესმე აღმოუჩენიათ.

კოსმოსური ობიექტი, სახელწოდებით C/2014 UN271 (Bernardinelli-Bernstein), მოემართება ჩვენი მზის სისტემისკენ 35 000 კილომეტრი საათის სიჩქარით. თუმცა, ეს ჩვენთვის საშიში არ არის და ის მზეთან 2031 წლისთვის მაქსიმალური სიახლოვეზე 1,6 მილიარდი კილომეტრის მანძილზე იქნება.

ეს მნიშვნელოვანი აღმოჩენაა, რომელსაც შეუძლია ხელახლა განსაზღვროს ის, რაც ჩვენ ვიცით კომეტების საეჭვო წარმოშობის შესახებ. ის ოორტის ღრუბლიდან მოემართება, რომელიც მზის სისტემის ყველაზე შორეულ მისადგომებშია. და C/2014 UN271, სავარაუდოდ, არ არის ერთადერთი ასეთი კოსმოსური ობიექტი.

"ეს კომეტა ფაქტიურად აისბერგის მწვერვალია ათასობით კომეტისთვის, რომლებიც აღმოსაჩენად ზედმეტად პატარაა მზის სისტემის უფრო შორეულ ნაწილებში. ჩვენ ყოველთვის გვქონდა ეჭვი, რომ ეს კომეტა მართლაც ძალიან დიდი იყო, რადგან ასე შორიდანაც ჩანდა. ახლა ჩვენ ვადასტურებთ, რომ ეს ასეა", — თქვა დევიდ ჯუიტმა, პლანეტარული მეცნიერებისა და ასტრონომიის პროფესორმა კალიფორნიის უნივერსიტეტიდან.

გიგანტური კოსმოსური ობიექტი პირველად აღმოაჩინეს 2014 წელს ასტრონომებმა პედრო ბერნარდინელიმ და გარი ბერნშტეინმა, რომლებმაც გამოიკვლიეს ჩილეში ობსერვატორიის მიერ გადაღებული საარქივო სურათები. თუმცა, მისი უზარმაზარი ზომა მხოლოდ ახლა დადასტურდა ჰაბლის მიერ გაკეთებული დაკვირვებების წყალობით.

კომეტა ამჟამად მზისგან 3,2 მილიარდი კილომეტრითაა დაშორებული.

"ეს საოცარი ობიექტია, თუ გავითვალისწინებთ რამდენად კარგად ჩანს, როდესაც ის ჯერ კიდევ ასე შორს არის ჩვენგან. კომეტა გიგანტური ზომისაა და ნახშირზე შავია", — ამბობენ მკვლევრები.

მეცნიერებს მიაჩნიათ, რომ C/2014 UN271 წარმოიშვა ოორტის ღრუბელში, სფერულ გარსში, რომელიც მოიცავს მთელი მზის სისტემას შორეულ ნაწილს. მეცნიერებს იმედი აქვთ, რომ მათი აღმოჩენა ახალ შუქს მოჰფენს ჩვენს გაგებას ოორტის ღრუბლის შესახებ და რა სხვა შორეულ ობიექტებზეც მეტს გავიგებთ.