სასტუმროების ონლაინ დასაჯავშნ ვებსაიტზე Booking.com მომხმარებლის პროფილის რედაქტირებისას და სასტუმროების მფლობელებისთვის ინფორმაციის განთავსებისას, აფხაზეთი მითითებულია, როგორც ცალკე ქვეყანა.

მომხმარებლის პროფილის რედაქტირების გვერდი

მომხმარებლის პროფილის რედაქტირების გვერდი

სასტუმროს დამატების ფორმა ბიზნესისთვის

სასტუმროს დამატების ფორმა ბიზნესისთვის

ამის შესახებ, ფეისბუქის მომხმარებელმა, მარიკა გენგაშვილმა გაავრცელა ინფორმაცია, რაზეც Booking.com-მა მასვე უპასუხა, რომ აფხაზეთი ნაწილობრივ აღიარებული სახელმწიფოა და დამატებით, მისი გეოგრაფიული მდებარეობა განუმარტა.

თუმცა, საქართველოდან სასტუმროების ძიების დროს, აფხაზეთი მითითებულია, როგორც საქართველოს ნაწილი, ხოლო რუსეთიდან ძიების დროს, აჩვენებს მხოლოდ აფხაზეთს, როგორც ცალკე სახელმწიფოს.

მარცხნივ — სასტუმროების ძიების გვერდი, გახსნილი საქართველოს ტერიტორიიდან; მარჯვნივ — იგივე გვერდი, გახსნილი რუსეთიდან:

სასტუმროების ძიების გვერდი, გახსნილი საქართველოს ტერიტორიიდან იგივე გვერდი, გახსნილი რუსეთიდან

Booking.com-ის წარმომადგენლობა საქართველოში აცხადებს, რომ მსგავსს საკითხებზე ლოკალური ოფისი კომენტარს არ აკეთებს და მხოლოდ მთავარ ოფისს შეუძლია პასუხის გაცემა.

განახლება: Booking.com-მა ერთ-ერთი მომხმარებლის საპასუხოდ ფეისბუქზე დაწერა, რომ iOS-ისა და Android-ის აპლიკაციაზე, აფხაზეთი მითითებულია, როგორც საქართველოს ნაწილი. მათივე განმარტებით, აღნიშნულ საკითხზე მათი დეველოპერები აგრძელებენ მუშაობას.