მთავარი არხის ჟურნალისტსა და ოპერატორზე ფიზიკური ძალადობისა და პროფესიულ საქმიანობაში ხელშეშლისთვის პრორუსული და ძალადობრივი ალტ-ინფოს ზუგდიდის ოფისის ხელმძღვანელი და მისი თანამზრახველი დააკავეს. ამის შესახებ სპეციალური საგამოძიებო სამსახურის უფროსმა, კოკა კაციტაძემ განაცხადა.

"დადგინდა, რომ 2022 წლის 17 მარტს, ტელეკომპანია მთავარი არხის ჟურნალისტი ემა გოგოხია და ამავე არხის ოპერატორი ზვიად აბლოთია ინტერვიუს ჩასაწერად ზუგდიდში, პოლიტიკური პარტია კონსერვატიული მოძრაობის ოფისთან იმყოფებოდნენ. ამ დროს, ადგილზე სწრაფი სვლით მივიდა ავტომანქანა, საიდანაც ბრალდებულები გადმოვიდნენ. ისინი შეურაცხმყოფელი შეძახილებით და გინებით, ჟურნალისტს და მის ოპერატორს ინტერვიუს ჩაწერის შეწყვეტას და მიმდებარე ტერიტორიის დატოვებას სთხოვდნენ. განხორციელებული დევნის დროს, ბრალდებულებმა ჟურნალისტს და მის ოპერატორს სხეულის სხვადასხვა არეში მრავლობითი დაზიანებები მიაყენეს", — თქვა მან.

მთავარი არხის გადამღებ ჯგუფს თავს 18 მარტს დაესხნენ. ჟურნალისტის, ემა გოგოხიას ინფორმაციით, შემთხვევა მაშინ მოხდა, როდესაც იღებდნენ, თუ როგორც შლიდნენ ალტ-ინფოს ოფისთან უკრაინის მხარდამჭერი წარწერეს ქალაქის მერიის დაქვემდებარებული სამსახურის თანამშრომლები.