უკრაინის გენერალური პროკურატურის ინფორმაციით, ომის დაწყებიდან დღემდე 18 ჟურნალისტი დაიღუპა, 8 გაიტაცეს, 13 დაშავდა, 15 კი დააშინეს. გარდა ამისა, დაფიქსირდა მინიმუმ 7 დაბომბვის ფაქტი, რამაც გამოიწვია სატელევიზიო ანძების, TRC-ის დაზიანება ან განადგურება.

პროკურატურის ცნობით, ჯამში რუსეთმა მედიის 74 წარმომადგენლების მიმართ ჩაიდინა დანაშაული, მათ შორის 19 სხვა ქვეყნის მოქალაქეა.

უკრაინის კულტურისა და საინფორმაციო პოლიტიკის სამინისტრო აცხადებს, რომ დღეს ჟურნალისტები გმირები არიან, მადლობას უხდის მათ, ვინც უკრაინის მოვლენებს აშუქებს და ამბობს, რომ ყველა დანაშაული მედიის წინააღმდეგ აუცილებლად იქნება გამოძიებული და დამნაშავეები დაისჯებიან.