25 აპრილი, წინა დღეების მსგავსად ცივი იქნება - დღეს თბილისში მაქსიმალური ტემპერატურა შეიძლება 13 გრადუსამდე იყოს, მინიმალური კი გასულ ღამეს იყო - ერთი გრადუსი. ქვეყნის ძირითად ნაწილში, დედაქალაქის მსგავსად, სიცივე იქნება.

სინოპტიკოსების პროგნოზით, შედარებით დათბება 26 აპრილიდან და დედაქალაქში ტემპერატურა შედარებით მოიმატებს და იქნება 16 გრადუსი ცელსიუსით. რაც შეეხება რეგიონებს, დათბობის ტენდენცია აქაც გაგრძელდება და კვირის ბოლომდე ჰაერის ტემპერატურა 20 გრადუსს გადააჭარბებს, თბილისში კი, შესაძლოა, 24 გრადუსიც იყოს. ყველაზე მეტად დათბება ქუთაისში - 30 აპრილს აქ ჰაერის დათბობას 27-30 გრადუსამდე ელოდებიან.