კოალიცია მედიის ადვოკატირებისთვის ფორმულას გადამღებ ჯგუფზე თავდასხმასთან დაკავშირებით აცხადებს, რომ ეს მედიის მიმართ გამოხატული აგრესიის შედეგია და ჟურნალისტების წინააღმდეგ ჩადენილ არაერთ დანაშაულზე არასათანადო რეაგირებით არის წახალისებული.

კოალიცია მოუწოდებს სპეციალურ საგამოძიებო სამსახურს, ჩაატაროს სწრაფი და ეფექტიანი გამოძიება.

თბილისში, აბაშიძის ქუჩაზე ერთ-ერთ კაფეში ფორმულას გადამღებ ჯგუფს თავს დაესხნენ. ტელეკომპანიის ინფორმაციით, ჟურნალისტი რესპონდენტს წერდა, როდესაც ერთ-ერთმა იქ მყოფმა ფორმულას თანამშრომლის მიმართ აგრესია გამოხატა.