დიდი ბრიტანეთის პრემიერმინისტრის, ბორის ჯონსონის განცხადებით, ესაუბრა ვოლოდიმირ ზელენსკის და ესმის, რასაც ის ამბობს. მისი თქმით, ყველამ თქვა და ამის შესახებ ვლადიმერ პუტინსაც ნათლად უთხრეს, რომ უკრაინა უახლოეს მომავალში NATO-ში ვერ გაწევრიანდება.

"ვესაუბრე ვოლოდიმირ ზელენსკის კიდევ გუშინ და იცით, რა თქმა უნდა, მესმის, რასაც ამბობს NATO-ს შესახებ. ყველამ ბევრჯერ თქვა, ნათლად ვუთხარით პუტინსაც, რომ უკრაინა უახლოეს მომავალში NATO-ში ვერ გაწევრიანდება, თუმცა უკრაინის მომავლის შესახებ გადაწყვეტილება უნდა მიიღონ უკრაინელმა ხალხმა და ვოლოდიმირ ზელენსკიმ, როგორც მათ მიერ არჩეულმა ლიდერმა, ჩვენ მას მხარს დავუჭერთ", — განაცხადა ჯონსონმა.

15 მარტს უკრაინის პრეზიდენტმა, ვოლოდიმირ ზელენსკიმ განაცხადა, რომ ადეკვატური ხალხი არიან და ესმით, რომ უკრაინა არაა NATO-ს წევრი. მისი თქმით, წლების განმავლობაში ესმოდათ ღია კარის შესახებ, თუმცა ახლა გაიგეს, რომ ვერ გაწევრიანდებიან და ეს უნდა აღიარონ. მისივე თქმით, მოხარულია, რომ ხალხი იწყებს ამის გაგებას და ენდობა საკუთარ თავს და იმ პარტნიორებს, რომლებიც ეხმარებიან.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში