ოზურგეთის მუნიციპალიტეტის გამგეობის ინფორმაციით, დღეს 23 აპრილს, ძლიერმა ქარმა 25-მდე სოფელში დააზარალა მოსახლეობა.

გამგეობის ცნობით, გადახდილია კერძო საცხოვრებელი სახლებისა და მრავალბინიანი კორპუსების სახურავები დაბა ლაითურსა და ნარუჯაში, სოფელ ოზურგეთში, დვაბზუში, მაკვანეთში, კონჭკათში, მერიაში, ბოხვაურში, შემოქმედის თემის სოფელ კვირიკეთში, მელექედურში, გურიანთასა და სხვა სოფლებში. გადახდილია სოფელ დვაბზუს საბავშვო ბაღის სახურავი. წაქცეულია მრავალწლოვანი ხეები და ელექტრო ბოძები. რამდენიმე სოფელს არ მიეწოდება ელექტროენერგია.

ფოტო: ოზურგეთის მუნიციპალიტეტის გამგეობა

ფოტო: ოზურგეთის მუნიციპალიტეტის გამგეობა

ფოტო: ოზურგეთის მუნიციპალიტეტის გამგეობა

მუნიციპალიტეტის გამგეობა აცხადებს, რომ სპეციალური კომისია ზარალს ითვლის. ადგილზე იმყოფებიან გამგებლის მოადგილეები ბადრი გობრონიძე და არჩილ ყაზაიშვილი.