ბელგიის საზოგადოებრივი მაუწყებლის ცნობით, საფრანგეთის საპრეზიდენტო არჩევნების შუადღის ეგზიტპოლის შედეგად მიღებული ხმები შემდეგნაირად გადანაწილდა:

  • ემაუელ მაკრონი - 24%;
  • მარინ ლე პენი - 22%;
  • ფრანსუა ფიონი - 20,5%;
  • ჟან ლუკ მელანშონი - 18%.

საარჩევნო უბნები დღეს, საფრანგეთის დროით 20 საათზე დაიხურება, რასაც მალევე, უკვე შეჯამებული ეგზიტპოლების შედეგებიც მოჰყვება.

თუკი ხმების 50 პროცენტზე მეტს ვერცერთი მიიღებს, რაც მოსალოდნელია კანდიდატების რაოდენობიდან გამომდინარე, არჩევნების ბედს შვიდ მაისს დაგეგმილი მეორე ტური გადაწყვეტს.

საფრანგეთში საპრეზიდენტო არჩევნების პირველი ტური უსაფრთხოების ზომების განსაკუთრებით დაცვით მიმდინარეობს. ქვეყნის მასშტაბით, საარჩევნო უბნებს, 50 ათასი პოლიციელი და შვიდი ათასი სამხედრო იცავს.