უკრაინის სხვა ქალაქების მსგავსად, მტრის დასახვედრად ოდესაც ემზადება. ნახევრად დაცარიელებულ ქალაქში ქვიშის ტომრებით ბარიკადებს აგებენ, დაბომბვის საშიშროებას განიხილავენ და, რაც არ უნდა გასაკვირი იყოს, ერთმანეთს მუსიკით ამხნევებენ.

ცოტა ხნის წინ ინტერნეტში ვიდეო გავრცელდა, რომელშიც სამხედრო ფორმაში ჩაცმული საზღვაო ფლოტის მუსიკოსები ბობი მაკფერინის ცნობილ სიმღერას, Don't Worry, Be Happy-ის უკრავენ. მუსიკოსები ბარიკადებით გარშემორტმული ოდესის ოპერის წინ დგანან. "ოდესა-უკრაინა" — ვკითხულობთ ბარიკადებზე უკრაინის დროშის ფერებში შესრულებულ წარწერას.

"ჩვენ ოდესა ჰიტლერს არ დავუთმეთ და არც სხვებს დავუთმობთ. ვერ ვიტყვი, რომ შეშინებული არ ვარ. ძალიან მეშინია, განსაკუთრებით მაშინ, როცა ახალ ამბებში განადგურებულ ქალაქებსა და დაღუპულ ჯარისკაცებს ვხედავთ. ვლოცულობთ, რომ ღმერთმა პრეზიდენტსა და ჯარისკაცებს ჩვენს დასაცავად ძალა და ჯანმრთელობა არ მოაკლოს", — განაცხადა ოდესის ფილარმონიის დირექტორმა გალინა ზიცერმა.

ფოტო: REUTERS

შეგახსენებთ, რომ რუსეთი უკრაინაში 24 თებერვალს შეიჭრა და ომი წამოიწყო, რომელიც დღემდე გრძელდება.