პარტია ევროპული საქართველო მერობის კანდიდატებს 27 მაისს, თბილისში გამართულ პარტიის ყრილობაზე დაასახელებს. ამის შესახებ, პარტიის წევრმა ირაკლი კიკნაველიძემ განაცხადა.

მისივე თქმით, ისინი ამჟამად აქტიურად განიხილავენ თბილისის მერობის კანდიდატს და ეს საკითხი გადაწყდება შიდადემოკრატიული წესით:

"ევროპულ საქართველოს ბევრი ისეთი ლიდერი ჰყავს, რომელიც შეძლებს რომ იყოს თბილისის ღირსეული მერი. სხვა ქალაქის და მათ შორის თბილისის მერობის კანდიდატს ჩვენ დავასახელებთ 27 მაისს, თბილისში გამართულ პარტიის ყრილობაზე".

ადგილობრივი თვითმმართველობის არჩევნები 2017 წლის შემოდგომაზე ჩატარდება.