ჯანდაცვის მინისტრის, ზურაბ აზარაშვილის განცხადებით, ქვეყანა ახლა გადის ომიკრონის პიკს და ვარაუდობენ, რომ რამდენიმე დღეში დაიწყება შემთხვევების კლება.

"საწოლფონდი ნამდვილად თავისუფალი გვაქვს, დაახლოებით 6 000 საწოლამდეა დღერს ათვისებული. 8 000-ზე მეტი საწოლი გვაქვს მობილიზებული, ამ მხრივ პრობლემები არ გვაქვს. ახლა გავდივართ ომიკრონის პიკს და ჩვენი ვარაუდებით და დიდი ალბათობით, გადავივლით რამდენიმე დღეში და შემდეგ იქნება შემთხვევების კლება", — განაცხადა მან.

14 თებერვლის მონაცემებით, საქართველოში კორონავირუსის 4 028 ახალი შემთხვევა დადასტურდა, გამოჯანმრთელდა — 22 517, ხოლო გარდაიცვალა 21 ადამიანი.

ბოლო 24 საათში ჩატარდა 9 688 კვლევა ტესტით, მათ შორის, ანტიგენის სწრაფი ტესტით — 6 768, PCR ტესტით — 2 920.