წიგნის საჯაროდ კითხვის მსოფლიო დღე – წაიკითხე ავტორებთან ერთად და მიიღე წიგნი საჩუქრად
თუ 2 თებერვალს, 14 საათიდან პუშკინის სკვერში გაივლით, წიგნებით სავსე თაროს შეამჩნევთ და ხუთ ქართველ ავტორსაც შეხვდებით, რომლებიც თქვენთვის მხატვრული ნაწარმოებებიდან ნაწყვეტებს წაიკითხავენ. თუ გამბედაობასაც მოიკრებთ და, თაროზე განთავსებული რომელიმე წიგნიდან, პატარა ნაწყვეტს სახალხოდ წაიკითხავთ, ამ წიგნს "თბილისი – წიგნის მსოფლიო დედაქალაქისგან" საჩუქრად მიიღებთ.
სწორედ ასეთი ღონისძიებით ეხმიანებიან "თბილისი – წიგნის მსოფლიო დედაქალაქი" და გოეთეს ინსტიტუტი წიგნის საჯაროდ კითხვის მსოფლიო დღეს და შემთხვევით გამვლელსა თუ სპეციალურად ამ აქტივობისთვის პუშკინის სკვერში მისულ სტუმრებს ახსენებენ იმას, რაც ხშირად გვავიწყდება – წიგნის კითხვისგან მიღებულ სიამოვნებასა და მნიშვნელობას.
პუშკინის სკვერში დაგეგმილ ღონისძიებაზე უფრო მეტი "თბილისი – წიგნის მსოფლიო დედაქალაქის" დირექტორის მოადგილე ნინო კიკნაძემ და გოეთეს ინსტიტუტის საინფორმაციო განყოფილებისა და ბიბლიოთეკის ხელმძღვანელმა, ზურაბ ბოლქვაძემ გვიამბეს.
წიგნის საჯაროდ კითხვის მსოფლიო დღე საქართველოში მეშვიდედ აღინიშნება. წელს ამ ინიციატივას "თბილისი — წიგნის მსოფლიო დედაქალაქი" გოეთეს ინსტიტუტთან ერთად შეუერთდა. რა არის ამ დღის გზავნილი და რატომაა მნიშვნელოვანი მისი აღნიშვნა?
"ეს ინიციატივა კიდევ ერთი შეხსენებაა საზოგადოებისთვის, რომ წიგნები უნდა ვიკითხოთ – არ აქვს მნიშვნელობა ხმამაღლა, სხვების გასაგონად თუ ჩვენთვის, ჩუმად. ღონისძიების შემდეგ, 150 ადამიანი შინ ახალი წიგნით წავა, რომელიც საჩუქრად რამდენიმე აბზაცის სახალხოდ წაკითხვის სანაცვლოდ გადაეცემა. ეს, რა თქმა უნდა, კითხვის წამახალისებელი მცირე აქტივობაა, მაგრამ მაინც წინ გადადგმული ნაბიჯია.
წიგნის საჯაროდ კითხვის მსოფლიო დღე 2010 წლიდან აღინიშნება და 100-ზე მეტი ქვეყანა და მილიონობით ადამიანი, სხვადასხვა აქტივობით ეხმიანება. ჩვენთან მისი აღნიშვნა საქართველოს წიგნის გამომცემელთა და გამავრცელებელთა ასოციაციამ დაიწყო და, მას შემდეგ, მისი მთავარი ინიციატორია. ვინაიდან პროექტ "თბილისის – წიგნის მსოფლიო დედაქალაქის" ერთ-ერთი მთავარი მიზანი, წიგნის კითხვის წახალისებაა, ამ პროცესში გოეთეს ინსტიტუტთან ერთად ჩვენც ჩავერთეთ", — ამბობს ნინო კიკნაძე.
გოეთეს ინსტიტუტისა და „თბილისი – წიგნის მსოფლიო დედაქალაქის“ თანამშრომლობა ამ ღონისძიებით არ იწყება. რა პროექტები განახორციელეთ ერთობლივად?
"თბილისი – წიგნის მსოფლიო დედაქალაქთან", ფრანკფურტის წიგნის ბაზრობასთან და გერმანიის საელჩოსთან ერთად, აკაკი წერეთლის სახელობის ბიბლიოთეკაში გავხსენით გამოფენა, რომელმაც 100-ზე მეტ საუკეთესო გერმანულ გამოცემას მოუყარა თავი.
ამ პროექტის ფარგლებში, გოეთეს ინსტიტუტმა და "თბილისი – წიგნის მსოფლიო დედაქალაქმა" კიდევ ერთი აქცია, 100 წიგნი საჩუქრად, წამოიწყო. შარშან, 21 სექტემბერს, ბიბლიოთეკის წინ, 100 გერმანული წიგნის ქართული თარგმანი გამოვიტანეთ. მათგან რომელიმეს საჯაროდ წაკითხვის სანაცვლოდ კი წიგნები მკითხველებს გადავეცით.
აქცია ძალიან წარმატებული აღმოჩნდა, გამვლელებმა საოცრად იაქტიურეს, ამიტომ წიგნის საჯაროდ კითხვის მსოფლიო დღის აღნიშვნაც, ამ ფორმით გადავწყვიტეთ. ამჯერად, 150 წიგნი შევარჩიეთ – არა მხოლოდ გერმანული ლიტერატურის თარგმანები, არამედ ქართველი ავტორებისა და სხვა ენიდან თარგმნილ წიგნებსაც მოვუყარეთ თავი", — ამბობს ზურაბ ბოლქვაძე.
წიგნის მსოფლიო დედაქალაქის სტატუსს თბილისი გვადალახარას 2022 წლის 23 აპრილს გადასცემს. პროექტის დასრულებამდე კიდევ რას შეიძლება ელოდოს თქვენგან მკითხველი?
"პროექტი "თბილისი – წიგნის მსოფლიო დედაქალაქი" ნელ-ნელა დასასრულისკენ მიდის. შეიძლება ითქვას, რომ დასკვნით ეტაპზე გადავდივართ, თუმცა დაგეგმილ ღონისძიებებსა და პროექტებს ისევ აქტიურად ვახორციელებთ, ვაგრძელებთ სალიტერატურო სფეროს განვითარების ხელშეწყობას და მკითხველის წიგნთან კიდევ უფრო დაახლოებას. ასე რომ, პროექტის დასრულებამდე, ამ რამდენიმე თვის განმავლობაში, საინტერესო იდეებისა და აქტივობების შესახებ, ჩვენგან კვლავაც გაიგებთ", — ამბობს ნინო კიკნაძე.
-
გადახედვაღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს! ღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს!
-
გადახედვალანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას? ლანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას?
-
გადახედვარუსული კანონის მოწინააღმდეგეები გმირთა მოედნის პიკეტირებას გეგმავენ — საპროტესტო აქცია ჩატარდება პარლამენტთანაც რუსული კანონის მოწინააღმდეგეები გმირთა მოედნის პიკეტირებას გეგმავენ — საპროტესტო აქცია ჩატარდება პარლამენტთანაც
-
გადახედვაკაცს, რომელმაც ლილოს მოვაჭრე შეკვეთით მოკლა, უვადო პატიმრობა შეეფარდა კაცს, რომელმაც ლილოს მოვაჭრე შეკვეთით მოკლა, უვადო პატიმრობა შეეფარდა
-
-
გადახედვასაპარლამენტო ოპოზიციის ბრიფინგი პარლამენტის დაკეტილ ჭიშკართან და მათი მთავარი გზავნილები ხელისუფლებას საპარლამენტო ოპოზიციის ბრიფინგი პარლამენტის დაკეტილ ჭიშკართან და მათი მთავარი გზავნილები ხელისუფლებას
-
-
გადახედვარამდენიმე სიმართლე, რისთვისაც თვალის გასწორება მოგიწევთ თქვენი პარპაშის დასრულებამდე — ჯაფარიძე ოცნებას რამდენიმე სიმართლე, რისთვისაც თვალის გასწორება მოგიწევთ თქვენი პარპაშის დასრულებამდე — ჯაფარიძე ოცნებას
-
გადახედვაპარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება პარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება
-
გადახედვასაქართველოს დასავლური კურსი საფრთხეშია — აშშ-ის სახელმწიფო დეპარტამენტი საქართველოს დასავლური კურსი საფრთხეშია — აშშ-ის სახელმწიფო დეპარტამენტი
-
გადახედვარა ვიცით თვალის არეში დაჭრილი ახალგაზრდა კაცის მდგომარეობაზე რა ვიცით თვალის არეში დაჭრილი ახალგაზრდა კაცის მდგომარეობაზე
-
გადახედვაახალგაზრდა კაცი თვალის არეშია დაჭრილი სავარაუდოდ, რეზინის ტყვიით ახალგაზრდა კაცი თვალის არეშია დაჭრილი სავარაუდოდ, რეზინის ტყვიით
-
გადახედვამოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია მოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია
-
გადახედვამოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე მოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე
-
გადახედვაპარლამენტში უსაფრთხოების წითელი დონე ამოქმედდა პარლამენტში უსაფრთხოების წითელი დონე ამოქმედდა
-
გადახედვამამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია მამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია
-
გადახედვა"მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი "მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი
-
გადახედვაფონ დერ ლაიენი: დიდი შეშფოთებით ვაკვირდები საქართველოში არსებულ ვითარებას და ვგმობ ძალადობას თბილისის ქუჩებში ფონ დერ ლაიენი: დიდი შეშფოთებით ვაკვირდები საქართველოში არსებულ ვითარებას და ვგმობ ძალადობას თბილისის ქუჩებში
-
გადახედვავითარება რუსთაველზე — ვრცელდება ინფორმაცია რეზინის ტყვიების გამოყენების შესახებ ვითარება რუსთაველზე — ვრცელდება ინფორმაცია რეზინის ტყვიების გამოყენების შესახებ
-
გადახედვამაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე მაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე
-
გადახედვაშსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით შსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით
კომენტარები