შინაგან საქმეთა სამინისტრომ ტყიბულის შახტაში მომხდარ შემთხვევაზე გამოძიება დაიწყო.

უწყებაში On.ge-ს განუცხადეს, რომ გამოძიება სისხლის სამართლის კოდექსის 240-ე მუხლით მიმდინარეობს, რაც სამთო-სამშენებლო ან სხვა სამუშაოების წარმოებისას უსაფრთხოების წესების დარღვევას გულისხმობს.

ტყიბულის შახტაში აფეთქების შედეგად 1 ადამიანი გარდაიცვალა, 8 კი დაშავდა. როგორც კომპანია საქნახშირში On.ge-ს უთხრეს, მათი ვარაუდით, ადგილზე შრომის უსაფრთხოების წესები იყო დარღვეული.