19 აპრილს, პარიზში, პარფიუმერული კომპანია ლანკომი იუბილეს აღნიშნავს. სწორედ ამ დღესთან დაკავშირებით გამართავენ ერთობლივ პრესკონფერენციას ჰოლივუდის ვარსკვლავები - ჯულია რობერტსი, ქეით უინსლეტი და პენელოპე კრუზი, რომლებიც ლანკომის სახეები არიან.

ისინი კომპანიის ახალი სუნამოსა და კოსმეტიკური ხაზის შესახებ ისაუბრებენ, მოგვიანებით კი სარეკლამო რგოლს დააანონსებენ, რომელშიც მსახიობები ერთად მიიღებენ მონაწილეობას.

ეს პირველი შემთხვევა არ არის როდესაც ისინი პარფიუმერული კომპანიის პრომო აქციებში ერთად მონაწილეობენ. ლანკომის 80 წლის იუბილეზე, ჯულიას, ქეითსა და პენელოპეს, ლუპიტა ნიონგო, იზაბელა როსელინი და ლილი კოლინსი შეუერთდნენ, რომლებმაც ბრენდის ახალი კოლექცია წარადგინეს.