ქართული ოცნების დეპუტატის, ირაკლი ზარქუას განცხადებით, ლეიბორისტული პარტიის ლიდერი, შალვა ნათელაშვილიც კი შედის პარლამენტში, რადგან დარწმუნდა, რომ ადგილობრივი თვითმმართველობის არჩევნები სამართლიანი არჩევნები ჩატარდა.

"შალიკოც კი შემოდის პარლამენტში, იმდენად დარწმუნდა, რომ სამართლიანი არჩევნები იყო და შესაბამისად, მგონია, რომ ოპოზიცია, მათ შორის, რადიკალური ოპოზიცია მიიღებს მონაწილეობას ამ არჩევანში, თუ არა და 6 თვით გვეყოლება ახალი თავმჯდომარე", — განაცხადა მან.

კითხვაზე, დაუჭერს თუ არა მხარს ცესკო-ს ამჟამინდელი თავმჯდომარის, გიორგი კალანდარიშვილის კანდიდატურას, ზარქუა ამბობს, რომ მისი ხელმძღვანელობით ჩატარებული არჩევნები იმდენად სამართლიანი იყო, რომ ეს საერთაშორისო დამკვირვებლებმაც აღიარეს.

დღეს, 14 დეკემბერს ცესკო-ს თავმჯდომარეობისა და წევრობის კანდიდატებთან გასაუბრება იყო. თავმჯდომარეობის შესარჩევ კონკურსში 4, ხოლო წევრობაზე 7 კანდიდატია დარეგისტრირებული. თავმჯდომარეობის შესარჩევ კონკურსში ცესკოს მოქმედი თავმჯდომარე, გიორგი კალანდარიშვილიც მონაწილეობს.

17 დეკემბერს საქართველოს პარლამენტმა დაჩქარებული წესით, მესამე მოსმენით რეგლამენტში ცვლილების შეტანის შესახებ კანონპროექტი დაამტკიცა, რომლის მიხედვითაც, ცესკოს თავმჯდომარისა და წევრების არჩევის წესი შეიცვალა. უფრო ზუსტად, გამარტივდა არჩევის პროცედურა

ცესკოს თავმჯდომარისა და ცესკოს ორი წევრის თანამდებობაზე კანდიდატთა შესარჩევად კონკურსი 28 დეკემბერს გამოცხადდა. ამის შესახებ განკარგულება საქართველოს პრეზიდენტმა გამოსცა. ცესკოს მოქმედ თავმჯდომარესა და ცესკოს ორ წევრს უფლებამოსილების ვადა თებერვალში გასდით.