ცენტრალური საარჩევნო კომისიის მოქმედი თავმჯდომარის, გიორგი კალანდარიშვილის განცხადებით, ყველაფერს გააკეთებს კომისიის წევრების დასარწმუნებლად, რომ მისი კანდიდატურა ერთ-ერთი გამორჩეულია და 5 თვის წინ დაწყებული "ტემპისა და ინერციის", გაგრძელებას შეძლებს.

კალანდარიშვილი ამბობს, რომ მას საარჩევნო ადმინისტრაციის განვითარებისა და ტრანსფორმაციის გრძელვადიანი გეგმა აქვს.

"ყველაფერ გავაკეთებ იმისთვის, რომ პირველ რიგში, ჯერ საკონკურსო კომისიის წევრები დავარწმუნო იმაში, რომ ჩემი კანდიდატურა არის მართლაც ის ერთ-ერთი გამორჩეული კანდიდატურა, რომელიც შეძლებს, რომ ეს ტემპი და ეს ინერცია, რომელიც ჩვენ 5 თვის წინ დავიწყეთ, გაგრძელდეს და გაგრძელდეს იგივე შემართებით და იგივე ენერგიით. რაც შეეხება მოლოდინებს, რა თქმა უნდა, ეს მოლოდინები უკვე შესაბამისი სუბიექტური გადაწყვეტილების შედეგია და თქვენთან ერთად მეც დაველოდები", — ამბობს ის.

გიორგი კალანდარაშვილის გარდა, ცესკოს თავმჯდომარეობის შესარჩევ კონკურსში კიდევ 3 კანდიდატი მონაწილეობს.

კალანდარიშვილი ცენტრალური საარჩევნო კომისიის თავმჯდომარედ მას შემდეგ აირჩიეს, რაც ეს თამამდებობა თამარ ჟვანიამ დატოვა. ჟვანიას ოპოზიცია 2020 წლის ოქტომბრის არჩევნების გაყალბების ხელშეწყობაში ადანაშაულებდა. მისი გადადგომის მოთხოვნა ჟღერდებოდა ელჩების ფასილიტაციით გამართული შეხვედრების პერიოდშიც, რასაც არ იზიარებდნენ ქართულ ოცნებაში.

მიუხედავად იმისა, რომ კალანდარიშვილის კანდიდატურას მხარი არასამთავრობო ორგანიზაციებისა და ოპოზიციური პარტიების ნაწილმა არ დაუჭირა, საარჩევნო კოდექსის და პარლამენტის რეგლამენტის თანახმად, პარლამენტის სრული შემადგენლობის უმრავლესობით კალანდარიშვილი 6 თვის ვადით აირიეს. მას უფლებამოსილების ვადა თებერვალში ეწურება.