ნაციონალური მოძრაობის წევრის, ეკა ხერხეულიძის განცხადებით, ხვალ მიხეილ სააკაშვილს სახელმწიფო ინსპექტორის სამსახურის გამომძიებელი გამოკითხავს.

"ის ელოდება ხვალ სახელმწიფო ინსპექტორს, გორის წამების ფაქტთან დაკავშირებით გამომძიებელს ელოდება და ხვალ გამოკითხავენ მიხეილ სააკაშვილს. მას დიდი იმედი აქვს საპარალამენტო კომისიის მუშაობასთან დაკავშირებით, ის აპირებს ჩვენება მისცეს საპარლამენტო კომისიას და მიაჩნია, რომ აუცილებლად უნდა შეიქმნას ეს კომისია და უნდა იმუშავოს ამ პლატფორმის გათვალისწინებით.

ასევე, ძალიან მნიშვნელოვანია ისიც, რომ როდესაც ვსაუბრობთ მის ჯანმრთელობის მდგომარეობაზე, ეს არის წამებით გამოწვეული ტრავმა, რომელიც მნიშვნელოვანწილად, რა თქმა უნდა, მის ჯანმრთელობის მდგომარეობას აზარალებს, მაგრამ პოლიტიკურად ის არის ძალიან კარგ ფორმაში", — თქვა ხერხეულიძემ.

ნაციონალური მოძრაობის ერთ-ერთი ლიდერის, ხატია დეკანოიძის განცხადებით, თუ დაინახავენ, რომ ყოფილი პრეზიდენტის მიხეილ სააკაშვილის საქმეზე საგამოძიებო კომისიის შექმნა შესაძლებელია, პარლამენტში შევლენ.