დამწვრობის ცენტრის ხელმძღვანელის, გუგა ქაშიბაძის განცხადებით, პიროტექნიკით გამოწვეული დამწვრობების რამდენიმე ათეული შემთხვევა უკვე დაფიქსირდა. ამის შესახებ მან ტელეკომპანია ფორმულასთან ისაუბრა.

"ჩვენი სამწუხარო გამოცდილებით, წლიდან წლამდე მატულობს ასეთი დაზიანებები. ყოველთვის ექიმისთვის არის გულდასაწყვეტი ისეთ ტრავმასთან მუშაობა, რომლის თავიდან აცილება თავისუფლად შეიძლებოდა, მით უმეტეს, ამ შემთხვევების ნახევარი მოდის ბავშვებზე", — აღნიშნა მან.

მისი განცხადებით, ეს შემთხვევები მძიმე არ არის, თუმცა დამწვრობის გარდა, ძალიან ხშირია ნაკვეთი ჭრილობები, თითების ამპუტაცია და თვალების დაზიანება. ქაშიბაძემ აღნიშნა, რომ ახალი წელი "ყოველგვარი მაშხალების და ფეიერვერკების აფეთქების გარეშეც" მოვა და დროა, ამ ტრადიციაზე უარი ვთქვათ.