ზამთრის დადგომასთან ერთად, ანტიფრიზი ერთ-ერთი აქტუალური თემა ხდება. ალბათ ყველა ავტომფლობელს ერთხელ მაინც ჩაუხედავს ძრავში ამ სითხის შესამოწმებლად.

საინტერესოა, როგორ უნდა მოვიქცეთ იმ შემთხვევაში, თუ ანტიფრიზის რაოდენობა ნორმალურზე დაბალია?

რატომ ქრება ავზიდან ანტიფრიზი?

ავზიდან ანტიფრიზი შეიძლება ორი მიზეზით გაქრეს — დიდი რაოდენობით აორთქლდეს არაჰერმეტულობის გამო, ან დაიკლოს გაჟონვის შედეგად. პირველ შემთხვევაში, შეგვიძლია მას გამოხდილი, ან გადადუღებული წყალი დავუმატოთ, ხოლო მეორე შემთხვევაში ის ზუსტად იმ სახეობის ანტიფრიზით უნდა შევავსოთ, რომელიც უკვე ესხა მასში.

ნებისმიერი ანტიფრიზი შედგება ტექნიკური სპირტისა და წყლისგან, რომელთა რაოდენობაც ანტიფრიზში 50/50-ზეა. ავტომობილის მუშაობისას ის აუცილებლად აორთქლდება, თუმცა, ყურადღება უნდა მივაქციოთ ამ აორთქლებული ანტიფრიზის რაოდენობას.

ანტიფრიზის რაოდენობის შემოწმების დროს აუცილებელია ყურადღება მიაქციოთ სითხის ავზზე განთავსებულ მაჩვენებლებს, რომლებიც მიანიშნებენ სითხის მინიმალურ და მაქსიმალურ დონეს, მისი ტემპერატურიდან გამომდინარე (Hot ან Cold).

როგორ უნდა მოვიქცეთ მცირე გაჟონვის დროს?

თუ ანტიფრიზის გაჟონვის გამო, სითხის რაოდენობა მინიმალურ ზღვარს მიუახლოვდა, მაშინ მისი შევსება გამოხდილი წყლით არის შესაძლებელი, რადგან ამ რაოდენობის წყლის ჩასხმით კარდინალურად არ დაირღვევა მასში ნაერთების ბალანსი და ის კვლავ განაგრძობს თავისი ფუნქციების შესრულებას.

სასტიკად აკრძალულია ონკანის წყლის ჩამატება, რადგან უცნობია თუ როგორ იმოქმედებს ქიმიკატებზე ჩვეულებრივი წყალი.

ცნობილია, რომ ახალი ავტომობილების გაგრილების სისტემაში გამოიყენება ალუმინის დეტალები, ხოლო მასზე ხისტი წყლის მოხვედრამ შეიძლება კოროზიამდე მიიყვანოს ისინი. ამიტომ ნუ დავზოგავთ თანხებს გამოხდილ წყალზე, მით უმეტეს, რომ მისი ღირებულება არცთუ მაღალია.

როგორ ვიქცევით, როდესაც დიდი რაოდენობით ანტიფრიზი ქრება?

პირველ რიგში, ვამოწმებთ ძრავის ქვედა ნაწილს, სადაც გაჟონილი ანტიფრიზის კვალის მიგნება ყველაზე ადვილია. ვამოწმებთ მილებს, რომელთა სუსტი დამაგრების შემთხვევაში, შეიძლება სითხე დაიქცეს. თუ პრობლემის სათავეს ვერ მიაგნებთ, არ დაძრათ ავტომობილი და აუცილებლად მიმართეთ პროფესიონალს. პრობლემის მოგვარების შემდეგ კი შეგვიძლია ავზის შევსება ავტომობილის მწარმოებლის მიერ განსაზღვრული ტიპის ანტიფრიზით.

ყველაზე გავრცელებული მითია, რომ ანტიფრიზის შერჩევისას მნიშვნელოვანია მხოლოდ ფერი, რაც არ შეესაბამება სიმართლეს. შესაძლებელია ერთი და იმავე ფერის ანტიფრიზი, შემადგენლობით განსხვავდებოდეს ერთმანეთისაგან და პირიქით. ეს ყველაფერი კი ხშირად იწვევს ავტომობილების გაგრილების სისტემის დაზიანებას. შერჩევისას აუცილებლად გასათვალისწინებელია ავტომობილის მწარმოებლის რეკომენდაციები, სტანდარტები და არა ანტიფრიზის ფერი.

ახალი ანტიფრიზის შერჩევა უკვე სახლიდან გაუსვლელად შეგიძლიათ თეგეტა შოფზე.