SES-10 67 დასავლეთ გრადუსზე განახორციელებს პირდაპირ სააბონენტო თანამგზავრულ მაუწყებლობას და მობილურ მომსახურებას მთელს ლათინურ ამერიკას მიაწვდის.

SES („ევრონექსტის“ პარიზის და ლუქსემბურგის საფონდო ბირჟა: SESG) აცხადებს, რომ SES-10 თანამგზავრი კოსმოსში, პილოტირებული SpaceX Falcon 9 რაკეტის ბორტზე, 31 მარტს, აღმოსავლეთ სტანდარტული დროით 18:27 სთ-ზე, ფლორიდაში მდებარე NASA-ს კენედის კოსმოსური ცენტრიდან, წარმატებით გაეშვა.

SES-10 პირველი გეო-სტაციონარული კომერციული თანამგზავრია, რომელიც პილოტირებული პირველსაფეხურიანი სარაკეტო ამაჩქარებლით გაეშვა კოსმოსში.

მრავალმიზნობრივი კოსმოსური ხომალდი კომპანიის პირველი თანამგზავრია, რომელიც მთლიანად, ლათინური ამერიკისთვის მომსახურების მიწოდებისთვისაა გამიზნული. SES-10-ის მაღალი სიმძლავრის სხივები SES-ის შესაძლებლობებს მთელს რეგიონში გაზრდის და საწარმოო და მობილური მომსახურების მიწოდებასთან ერთად, პირდაპირ სატელიტურ მაუწყებლობასაც უზრუნველყოფს.

SES-10 ჩაანაცვლებს სიმძლავრეს, რომელსაც დასავლეთის 67 გრადუსზე სხვა SES თანამგზავრები უზრუნველყოფენ და მიაწვდის დამატებით სიმძლავრეებს მექსიკას, ცენტრალურ ამერიკას, სამხრეთ ამერიკასა და კარიბის ზღვის რეგიონის ქვეყნებს.

ანდების თანამეგობრობასთან (ბოლივია, კოლუმბია, ეკვადორი და პერუ) დადებული შეთანხმების შესაბამისად, თანამგზავრი ფუნქციონირებას განახორციელებს ანდების თანამეგობრობის „Simón Bolivar 2“-ის ხარისხში, მიაწვდის რა თანამგზავრულ სიმძლავრეებს ანდების თანამეგობრობის წევრ თითოეულ სახელმწიფოს. ანდების სატელიტური პროექტი აღმოცენდა წევრი ქვეყნების საზიარო ინტერესებიდან, ჰქონოდათ საერთო სატელიტური ქსელი და ესარგებლათ ანდების სპექტრის რესურსებით.

„SpaceX“-ის პირველი მისიის ფარგლებში SES-10-ის, პილოტირებული რაკეტის გამოყენებით, წარმატებული გაშვება კოსმოსური ფრენების ახალ ერას ხსნის. ჩვენ ვამაყობთ, რომ „SpaceX“-თან ინოვაციური და მრავალჯერადი გამოყენების რაკეტების გამოყენების მიმართულებით ვთანამშრომლობდით, რაც კოსმოსზე წვდომას კიდევ უფრო ეფექტურს გახდის ღირებულებისა და მართვის თვალსაზრისით“, განაცხადა მარტინ ჰალიველმა, SES-ის მთავარმა ტექნიკურმა დირექტორმა. „SES-10-ის მიერ შემოთავაზებული დამატებითი სიმძლავრე იდეალურია დამატებით სატელევიზიო მომსახურების უზრუნველსაყოფად, გამოსახულების უკეთესი ხარისხითა და უფრო სწრაფი ფართოზოლოვანი სერვისით - ამ ორივეს კი სიხარულით შეეგებება მილიონობით ადამიანი მთელს ლათინურ ამერიკასა და კარიბის ზღვის რეგიონში“

„ჩვენ მოხარულები ვართ, რომ პილოტირებული Falcon 9-ის წარმატებულ გაშვებას მივაღწიეთ. ეს არის ისტორიული ეტაპი“, - განაცხადა გვინ შოტველმა, SpaceX-ის პრეზიდენტმა და ოპერაციების მთავარმა დირექტორმა. „მოხარულები ვართ, რომ ეს ეტაპი SES-თან ერთად დავასრულეთ, რომელიც წლების განმავლობაში „SpaceX“-ის და ინოვაციების მტკიცე მხარდამჭერი იყო“.

SES-10 აწყობილია „Airbus Defence and Space“-ის მიერ და შექმნილია „Eurostar E3000“ პლატფორმის საფუძველზე. თანამგზავრი გამოიყენებს ელექტრულ პლაზმურ გადაადგილების სისტემას ორბიტალური მანევრირებისთვის და ქიმიურ სისტემას ორბიტაზე თავდაპირველი ასვლისთვის.