საქართველოს მთავრობის ინფორმაციით, ქვეყანაში შემოსული ტურისტების რაოდენობა გაიზარდა.

2017 წლის იანვარი - მარტის თვის მონაცემებით, საქართველოს 1 266 125 საერთაშორისო მოგზაური ეწვია, რაც 11,4%-ით მეტია წინა წლის ანალოგიურ პერიოდთან შედარებით.

მხოლოდ მარტში ტურისტების +28,6%-იანი ზრდა დაფიქსირდა.

2017 წლის იანვარი - მარტში საერთაშორისო მოგზაურთა შემოსვლის პოზიტიური ტენდენცია დაფიქსირდა ევროკავშირის ქვეყნებიდან:

  • პოლონეთი +34%
  • გერმანია +28%
  • საფრანგეთი +27%
  • გაერთიანებული სამეფო +16%.

2017 წლის ორი თვის მონაცემებით საერთაშორისო მოგზაურების მიერ უცხოური საგადახდო ბარათებით განხორციელებულმა ოპერაციებმა 293,065 ათასი ლარი შეადგინა, რაც წინა წლის ანალოგიურ მაჩვენებელთან შედარებით +33.9%-ითაა გაზრდილი.

2016 წელს შემოსავალი უცხოური ტურიზმიდან საქართველოში შეადგენს 2.2 მილიარდ დოლარს (ზრდა +11.9%).

2016 წელს ტურიზმის წილმა მთლიან შიდა პროდუქტში 7.1% შეადგინა. ზრდა წინა წლის ანალოგიურ პერიოდთან შედარებით +11.8%-ია.