თბილისში მშენებარე საცხოვრებელი კომპლექსის საძირკველში ცხვარი დაკლეს. ზურა მუჯირის ვიდეოში ჩანს, რომ ადგილზე მყოფი პირები ცხვარს ჯერ მშენებლობის საძირკველში კლავენ, შემდეგ კი სამშენებლო ტერიტორიდან გააქვთ.

სამშენებლო კომპლექსის საზოგადოებასთან ურთიერთობის სამსახურში ირწმუნებიან, რომ მომხდართან დაკავშირებით კომპანიას ინფორმაცია არ ჰქონდა და მსგავსი მათთვის მიუღებელია. ბესიკ ლილუაშვილმა On.ge-ს განუცხადა, რომ დაიწყება მოკვლევა და მოკვლევის დასრულების შემდეგ შესაბამის ზომებს მიიღებენ.

"კომპანია არ იყო საქმის კურსში. ვერ გეტყვით მუშებმა თვითონ მიიღეს ეს გადაწყვეტილება თუ არა, იქ ძალიან ბევრი ადამიანი მუშაობს", — ამბობს ლილუაშვილი.

ცხოველთა დაცვის საზოგადოების თავმჯდომარე თეიმურაზ წიქორიძე აღნიშნავს, რომ ფერმერულ ცხოველებთან დაკავშირებით როგორებიც არის: ცხვარი, ღორი და ასე შემდეგ, საქართველოში როგორც არასათანადო მოპყრობასთან დაკავშირებით, სისასტიკესთან დაკავშირებით არანაირი კანონი არ არსებობს.