Sony-მ და Marvel-მა Spider-Man: No Way Home-ის მეორე ტრეილერი გამოუშვეს, რომელშიც ტომ ჰოლანდის, ზენდეიასა და ბენედიქტ კამბერბეჩის გმირების ისტორიას უკეთ ვეცნობით.

ასევე ტრეილერიდან ვიგებთ, რომ ადამიან ობობას დოქტორ რვაფეხასთან, მწვანე გობლინთან და ელეტროსთან მოუწევს შებრძოლება.

ფილმის რეჟისორი ჯონ უოტსია, რომელმაც ჰოლანდთან ერთად Spider-Man-ის ორი ნაწილი გადაიღო, მათ შორის 2017 წლის Spider-Man: Homecoming.

ამ ახალი ნაწილის პრემიერა 17 დეკემბერს შედგება. შეგახსენებთ, რომ ეს ფილმი მარველის განვითარებადი კინემატოგრაფიული სამყაროს მეოთხე ფაზის ნაწილია.

ფოტო: Marvel

რაც შეეხება მსახიობებს, ზენდეიას კვლავ მერი ჯეინის როლში ვიხილავთ, მარისა ტომეი კი დეიდა მეის პერსონაჟს ითამაშებს. ასევე ახალ ფილმში მაყურებლების წინაშე ბენედიქტ კამბერბეჩი დოქტორი სტრეინჯის, ჯეიმი ფოქსი ელექტროსა და ალფრედ მოლინა დოქტორი რვაფეხას როლებში წარდგებიან.

დოქტორი რვაფეხას ვიზუალი ძალიან ჰგავს იმას, რაც უკვე Spider-Man 2-ში გვინახავს — მაშინ ადამიან ობობას ტობი მაგუაირი თამაშობდა. რადგან ეს ბოროტმოქმედი მაშინ დაიღუპა და ახალ ფილმში მაინც ვხედავთ, ეს შეიძლება იმაზე მიგვანიშნებდეს, რომ წარსულის კადრებს გვაჩვენებენ. ეს ფაქტი კი ფანებს იმის იმედს უტოვებს, რომ ახალ ნაწილში Spider-Man-ის იგივე პერიოდის მსახიობებიც შეიძლება ვიხილოთ.

ფანები ასევე იმედოვნებენ, რომ ტობი მაგუაირს და ენდრიუ გარფილდს ვიხილავთ, რომლებმაც წინა ნაწილებში განასახიერეს ადამიანი ობობა. თუმცა კირსტენ დანსტმა, რომელიც მაგუაირთან ერთად თამაშობდა მერი ჯეინის როლს, Variety-სთან ინტერვიუში განაცხადა, რომ ის ახალ ფილმში მონაწილეობას არ იღებს.

ფოტო: COLUMBIA PICTURES/ EVERETT COLLECTION

თავდაპირველად ორ ფილმში ტომ ჰოლანდის მიერ შესრულებულმა პიტერ პარკერმა დიდი მოწონება და შექება დაიმსახურა, თუმცა კარგმა შეფასებებმა 2019 წელს Far From Home-ის გამოსვლის შემდეგ იკლო.

ვნახოთ, თუ როგორ გაართმევს ტომ ჰოლანდი თავს ამ ახალ ნაწილში მონაწილეობას და დაიმსახურებს თუ არა ისევ ერთგული ფანების მოწონებას.