ლიბერალს თეთრი ხმაურის მოძრაობის მიერ მიწოდებულ ვიდეომასალას აქვეყნებს, რომელიც 23 მარტს შოთა პაკელიანის დაკავების შემდეგ ისანი-სამგორის პოლიციაშია გადაღებული. დაკავებულის ოჯახის წევრები ამტკიცებენ, რომ სამართალდამცავები შოთა პაკელიანს დაკავებისას ფიზიკურად გაუსწორდნენ, რის გამოც ის საავადმყოფოში ოთხი დღის განმავლობაში უგონო მდგომარეობაში იმყოფებოდა.

ვიდეო, რომელსაც ლიბერალი ავრცელებს ჩანს, რომ პოლიციის განყოფილებაში სასწრაფო დახმარების თანამშრომლები არიან მისულები და ისმის ხმა, რომელიც ამბობს: "რატომ გყავთ სასწრაფო?" თეთრი ხმაურის მოძრაობის იურისტმა, რომელიც დაკავებულის სამართლებრივ ინტერესებს იცავს გამოცემას განუცხადა, რომ ვიდეოში ისმის შოთა პაკელიანის ხმაც, ის დახმარებას ითხოვს.

შინაგან საქმეთა სამინისტრო ამტკიცებს, რომ თავად ბრალდებულს პოლიციის მიმართ პრეტენზია არ აქვს. დაკავებულს კი დაზიანება გაქცევის დროს, წაქცევის დროს აქვს მიყენებული.