საუკუნეების განმავლობაში დაგროვებული სიბრძნის სხარტად გადმოცემის შესანიშნავი ფორმის — ანდაზების ნაკლებობას ნამდვილად არ ვუჩივით. მათი ნაწილი მოძველებული და სტერეოტიპებით სავსეა, თუმცა მეორე ნაწილი აქტუალურობას დღემდე არ კარგავს.

ისეთი ანდაზებიც გვქონია, რომლებიც პოპულარული ფილმების მოკლე შინაარსს გვიყვება. ჩვენც სწორედ ასეთ 8 ანდაზასა და მათ შესაბამის ფილმებს წარმოგიდგენთ:

1. მითხარი ვინ არის შენი მეგობარი და გეტყვი, ვინ ხარ შენ — Fight Club (მებრძოლთა კლუბი)

ფოტო: Giphy

იმიტომ, რომ შესაძლოა, შენც და შენი მეგობარი ერთმანეთისგან ძალიანაც არ განსხვავდებით.

2. მუნჯის ენა დედამ იცის — Arrival (ჩამოსვლა)

ფოტო: Giphy

შესაძლოა, თავად ჯერ კიდევ არ იცის, რომ დედაა, მაგრამ მაინც.

3. ის ურჩევნია მამულსა, რომ შვილი სჯობდეს მამასა — Star Wars (ვარსკვლავური ომები)

ფოტო: Giphy

შვილი მაინც გამოადგეს სამყაროს!

4. რაც მოგივა დავითაო, ყველა შენი თავითაო — Split (გახლეჩილი)

ფოტო: Giphy

ეს ყველაფერი შენი 24-ვე თავის ბრალია!

5. ჯერ თავო და თავო, მერე — ცოლო და შვილოო — Sev7en (შვიდი)

ფოტო: Giphy

მთავარია, ეს თავი ყუთში არ იდოს...

6. დედა ნახე, მამა ნახე, შვილი ისე გამონახე — Incendies (ხანძარი)

ფოტო: Giphy

ხანდახან მამისა და შვილის საძებნელად წასული ერთი გასროლით ორ კურდღელს მოკლავს.

7. გაჭირვება მანახე და გაქცევას განახებო — The Shawshank Redemption (გაქცევა შოუშენკიდან)

ფოტო: Giphy

მთავარია, პოსტერი გქონდეს, რომლითაც გვირაბის გათხრის სამუშაოებს დაფარავ.

8. არამკითხე მოამბეო, მიტყეპე და მიაგდეო — Atonement (მონანიება)

ფოტო: Giphy

რა დასამალია, რომ არამკითხე მოამბე ბრაიონის მიტყეპვა ყველას გვდომებია...

ამავე თემაზე: