სოფელ ქვემო ალვანიდან ომალოს მიმართულებით, თუშეთთან დამაკავშირებელ გზაზე თოვლის საფარის გაწმენდამდე, მოსახლეობას ვერტმფრენით გადაადგილება შეეძლება. შესაბამისი მიმართულებით ფრენა ყოველ ხუთშაბათს შესრულდება, პირველი ფრენა კი, დღეს განხორციელდა. ამის შესახებ ინფორმაცია On.ge-ს ახმეტის გამგებლის წარმომადგენელმა, ლადო კახოიძემ განუცხადა.

მისი თქმით, ზამთრის დაწყებამდე, ოქტომბრიდან გვიან გაზაფხულამდე, მაისამდე თუშეთთან დამაკავშირებელ გზაზე თოვლის საფარის გამო მოძრაობა შეუძლებელია. ფრენების დანიშვნა კი, მოსახლეობის გადაადგილების ხელშეწყობის მიზნით გადაწყდა. ის აღნიშნავს, რომ ზამთარი თუშეთში ტურისტული სეზონია არაა და შესაბამისად, ფრენები ადგილობრივი მოსახლეობის გადაყვანაზეა გათვლილი.

კახოიძეის თქმით, ამ ეტაპზე უცნობია, გაგრძელდება თუ არა ფრენები თუშეთის გზაზე მოძრაობის აღდგენის მიუხედავად და ამ საკითხზე მუშაობა მიმდინარეობს.