ახალი საბავშვო წიგნის მთავარი ისტორია ფერმერის გარშემო ვითარდება, რომელიც პრინცს შეხვდება და მათ ერთმანეთი უყვარდებათ.

წიგნის ავტორები ადამ რეინოლდსი და ჩაზ ჰარისი არიან, რომლებმაც ისტორიაში კლასიკური ზღაპრის ელემენტები გამოიყენეს. წიგნში მხოლოდ გეი პერსონაჟები არ ფიგურირებენ, ისტორიის ეპიცენტრში ქალი პერსონაჟი, დედოფალიც არის.

"ჩვენ გარშემო უამრავი ბავშვია, რომელსაც კითხვები აქვს და რომლებიც ჩვენს გარემოში საკუთარ თავს ვერ ხედავენ, ეს მხოლოდ იმიტომ, რომ ვიღაცები მათ განსხვავებულებად თვლიან. მათ უნდა დაინახონ, რომ ისტორიები იწერება მათზეც, რომ ზღაპრის გმირები არიან ისინიც და რაც უფრო მეტი იქნება ხილვადობა, მით უფრო მეტი იქნება პოზიტიური გამოცდილებაც. ეს არის ჩვეულებრივი ისტორია ადამიანებზე, გმირებზე", - ამბობს წიგნის ერთ-ერთი ავტორი.

ფოტო: BO MOORE CHRISTINE LUITEN

აღთქმული მიწა, ასე ჰქვია წიგნს, რომელშიც სიუჟეტი ერთ სამეფოში ვითარდება, სადაც ყველა ადამიანი თანასწორია და სადაც არავინ აქცევს ყურადღებას ვის ვინ უყვარს.

ახალი ზღაპარი იმ 49 გარდაცვლილსაც ეძღვნება, რომლებიც 2016 წელს ღამის კლუბში მოკლეს.

ფოტო: BO MOORE CHRISTINE LUITEN

"იმედი გვაქვს, მომავალში უფრო მეტი წიგნი გამოჩნდება ასეთი ისტორიებით, რატომაც არა? სამყაროს ხომ უამრავი ფერი აქვს?", - ამბობს რეინოლდსი.